"AGHJONE ECONATURA"
Pè lu vintti trè d'ottore,da un nipote invitatu
Mi n'avia fattu iss'onore, di còre ci so andatu
Chjamata bio diversita,cugnoscè usi é tradizione
Un pudia chè accétta,d'anda 'ssu ghjornu in Aghjone
Mess'un péde indè l'accintu, tuttu m'ha smaravigliatu
Di nostalgia arribintu,vist'u fornu bè imbrustatu
Per cogè, i tésti garniti aspittavan'u so tornu
E i curpicélli famiti,li giravanu a l'intornu
Paulu nantu a so tèghja, ci faccia è migliacciole
In ricordu di qualchi veghja, frà rise a chi piu nè vole
Banchi carchji a canistrelli,ogliosi é, tant'altre sorte
Eiu péghjiu chè i zitélli... l'ingurdizia fù la piu forte
Mézu a méle é zuccarini,cunfiti é cunfitture
Ratafie é vini fini,robba di sana cultura
N'aghju bètu unu, un "Pasqua",ha un dulcettu naturale
Ma di quèssu s'ella casca,n'annègu a lingua anc'avale
Poi, aghju vistu i duttori, di mistieri in perdizione
Chi ci'hanu fattu l'onori,é rispostu a ogni quistione
Bella manéra di tésse,u ghjuncu é fa è fattoghje
Nè fermera trè? pod esse, piu? un crèdu i ghjorni d'oghje
Una fètta di pane di granu, casgju frèscu é ben'intèsu
Pane impastatu al a manu, latte caghjatu a l'imprèsu
Un suppulu di piconia mi ramenta, chi zitélli
Ci aspittava a "zia Tottonia"a bocca di fornu in Fulélli
Un basgiu pè a "zia Francèsca",pèr quella suppa d'erbiglie !
Chi passione! é ghjé manèsca,so i fiori di è famiglie
A so manéra di fa, ricunisciuta é 'nvigliata
Quale si nè po scurda? a suppa, l'aghju assaghjata
Ottavi ghjéra présente c'un d'altri cunniscitori
Ci'ha parlatu di le piante,d'arburatura,di fiori
Cantadori di talentu,canzonè in lingua nustrale
U rigalu d'issu mummentu,hé dègnu di babbo Natale
Nè dèvu ringraziamenti, tantu a l'organisatori
Chè tutti i participenti,ch'insème nè so l'autori
E cèrcanu suluzione,per prutége a natura
Tocca d'exterminazione,di un male chi troppu dura
Ghjuvan-Carlu CASTELLI
Fulélli u 24 Ottobre 2010
In ricordu di una ghjurnata passata
econatura
